Containerimi saunartarfik
Sisimiuni kiassiornissamik isumassarsiaq
Containeri 20 fodsi angallanneqarsinnaasunngorllugu saunartarfiliarineqarsimavoq, taannalu Sisimiuni innuuttasuinit takornarissanillu atorneqarsinnaavoq.
Saunartarfimmik isumassarsiaq aallarnisaasumit Martin Kotolmit pilersinneqarpoq, tulluusimaaqalunilu takutippaa. Taanna kissarsuummit qisunnik igitassanit ikumaartitsinikkut kissanneqartarpoq, iluatungaali finlandimit tikisitanik qisulersugaalluni.
Kallerup inneranik pisariaqartitsinngitsoq
- Kissarsuuteqarnissaa pisariaqarsimavoq, taamaasillunimi taanna kallerup inneranik pisariaqartitsiunnaassagami taamatuttaarli sumulluunniit inissinneqarsinnaalluni, taanna nassuiaavoq. Saunariartartut anillaannavillutik imaanukarsinnaanissaat pillugu sumut inississinnaaneranik kommuneqarfimmut taanna massakkut oqaloqatiginnissaaq.
Taanna ineeqqanik pingasunik immikkoortortaqarpoq, isaariaaraq, ini issiavittalik imeruersaasernissamik periarfissalik kiisalu saunartarfissaq, tassani inuit tallimat 110 gradit tungaanut kissatsigisinnaasumi issiasinnaassallutik.
Ineeqqani paarlakaajaassinnaagaanni taanna inuit qulit tikillugit isersimasinnaapput. Taamaattoqassappalli kammagiilluinnartariaqarpoq.
Aamma takujuk: Saunartarfissaq
- Takornariat sianerlutik inniminniisinnaapput. Taakku aaneqartassapput, 500 koruuninik akiliuteqarnikkut minutsini 75-ni saunartoqarsinnaalluni, aallarnisaasoq paasissutissiivoq. Taanna saunartarfiup silataani kiattumi saunareernerup kingorna uffarfigineqarsinnaasumik ilisaqarsimavoq imaaniik nillaarissumik immineqarsinnaasumik.
Aamma atuaruk: Aallarnisaasut nillertumi uffartitsisalerusuttut
Nuummi aallarnisaasut suliniutaat – Nuuk Wellness – Future Greenlandi ingerlanneqarnerata nalaani akissarsitinneqartoq soqutigilluinnarlugu taassuma atuarsimavaa, tassani saunartarfik aamma pineqarpoq, taannali imaanut isikkiveqassaaq suliniulli Sisimiuni maanna aallartinneqarsimasumit anginerulluni. Sisimiuni saunartarfik qaammatip ataatsip matuma siorna atorneqarnissaminut piareersimavoq.
Suliniut nersorneqagaatsiartoq
Martin Kotolip saunartarfimmik suliniutaa pillugu akunnittarfiup pisortaani Annette Lingsimit nersualaarneqarpoq.
- Suliniut pitsaasuuvoq, akunnittarfiutinnilu taassuma ussassaarutiginera nuannaraara. Inisimasuutittami misigisassanik arlariinnik neqeroorneruvoq, Annette Lings, Hotel Sisimiuneersoq oqarpoq. Akunnittarfik kiassiornissamut peqataarusuttoq, taanna paasissutissiivoq. Taanna saunartarfimmik angallattakkamik qamuteralannit qaqqanut aputilinnut assartorneqarsinnaasumik piniarsimavoq.