Sisimiuni GUX-ertut soraarummeernerat

Sisimiuni Teknikimik Ilinniarfimmi GUX-mi ilinniartut soraarummeerput. Borgmester Malik Berthelsen siulliulluni ilinniartunut oqalugiaateqartuuvoq, tulliullutillu Kaaleeraq M. Andersen aamma Inge Berthelsen 3.A-tut 3.G-tunut ilaqutaasunut ilinniartitsisunullu taamatuttaaq oqalugiaateqarput. Jonathan Åsblom, Sisimiormiu, karakteerimini 11,9-mik agguaqatigiisinnerini angusaqarluni GUX Sisimiuni rekordiliivoq. Jonathan Nunatsinni ilinniarnertuunngorniarfinni taamatuttaaq qaffasinnerpaamik karakteerit agguaqatigiisinnerini angusarissaarnerpaangallarpoq. Jonathan eqiasuinnerminut angusarissaarninilu pissutigalugit Qeqqata Kommunianit 5.000 koruuninit tunissuteqarfigineqarpoq. GUX-miillut Juliane Davidsen Ukiup Akersuutillammaatut nersornaasitippaa aammalu Arnannguaq Petersen ilinniartoq eqiasujuitsutut nersornaaserneqarluni. Ullumi ilinniarnertuut katillugit 59-it soraarummeerput, ileqqullu malillugit ataatsimiittarfiup silataani soraarummeernertik malunnartinniarlutit qitillutik. Allaaserisap ataani assit marluk takukkit