Sisimiuni aallaasersortoqarpoq

Inuusuttuaqqat marluk Sisimiuni najugaqarfiit ilaanni aallaasersoripput marlunngornermi ualikkut. Politiit qatserisartut suleqatigalugit Bolethep Aqquserna assersorpaat innuttaasullu qinnuigaat tamaanga qanillinaversaaqqullugit.

Inuusuttuaqqat inissiaqarfiit ilaanni aallaasersortut suli tigusarineqanngillat.

- Politiit aallaasersorsimasut attavigaat maannalu tunniutiinnartinniarsaralugit, vicepolitimester Morten Nielsen Sermitsiaq.AG-mut oqarpoq.

Paasissutissat politiit tunniussinnaasaat killilerujussuupput. Taamaattoq uppernarsarsinnaavaat igeriartoqarsimasoq inunnilli ajoqusertoqarsimaneranik nalunaartoqanngilaq.