attaveqaatit
Sisimiuni 4G-qalissaaq
Kisimi Nuummi 4G-qarunnaassaaq. Sisimiut assinganik pisaassaaq
Tele-Post-ip 4G Sisimiuni saqqummiutissavaa 'mobilt bredbånd premium'-imillu nioqquteqarneq tallimanngorpat aallartissallugu.
Tele-Post nalunaarpoq.
- Atuisutta ujartugarimmassuk sumiluunniit atuisinnaaneq pingaartissimavarput. Teknologiimut ullutsinnut naleqquttumut atuisutta atuisinnaanerat qulakkeerumavarput, 4G-illu siammarneqarnera pilersaarutip taassuma ilagaa. Internetimik atuinermi misigisaq Europami ilisimaneqartumut assingussaaq nioqqut taanna atorlugu, Tele-Post-imi nioqqutinut nittarsaassinermullu pisortaq Jonas Hasselriis oqarpoq.
4G-imut teknologiip internetimik atuineq sukkanerpaaq ledningeqanngitsoq iserfiusinnaanngortissavaa. Mobilt bredbånd premium taamaalilluni tallimariaammik nalinginnaasumut bredbånd premium-imut naleqqiulluni sukkanerulluni atorneqarsinnaanngussaaq.