sipaarniarneq
Sipaarniartoqarnera pillugu Asii paasissutissiissaaq
Kommuneqarfik Sermersuumi borgmesteri Asii Chemnitz Narup meeqqat atuarfiini sipaarniartoqarnera pillugu paasissutissiissaaq
Ilinniartitsisut sinniisaat Imakillu siulittaasuat Sivso Dorph assigiinngitsunik oqaaseqartut atuarfeqarnermut tunngasunik nalornissuteqalersitsisunik Kommuneqarfik Sermersuumit oqaatigineqareerpoq. Taamaattumik Kommuneqarfik Sermersuumi borgmesteri Asii Chemnitz Narup paasissutissiinertalimmik ataatsimiigiaqqusivoq.
Kommuneqarfik Sermersuup meeqqat atuarfiinut sipaarniarnerat pissutigalugu ilinniartitsisut angajoqqaallu 100-t sinneqartut februaarip 20-ani akerliussutsimik takutitsipput. Akerliussutsimik takutitsinermi sipaarutigineqartussaviit kingunerisassaat pillugit akerliussutsimik takutitseqataasut paasissutissiinertalimmik ataatsimeeqatiserineqarnissaat borgmesteri Asii Chemnitz Narupip neriorsuutigaa.
Paasissutissiinertalimmik ataatsimiisitsineq ingerlanneqassaaq marlunngorneq ulloq marsip sisamaat nalunaaqutaq 19.00 Ukaliusap kantiinaani.