USA
Sioux Standing Rockimi ajugaaneq persuarsiutigaat
Ukiup affaa akerliussutsimik takutitsisoqareersorlu Standing Rock North Dakotamiittumi ruujorersualiornissaq unitsinneqarpoq.
Oliep aqqutaanik ruujoriliornissaq North Dakotami allami sananeqartussanngorpoq. CNN taama paasissutissiivoq.
Tuppallernermik qullilinerit, nuannaajallernermit nillianerit, tumerparpaarnerit erinarsornerillu akerliusunit tusindilinnit Standing Rockip eqqaani katersuussiimasunit tusarsaapput.
Akerliusut tammaarsimaarput
Titartaasartut ruujoriliornissaq allamut nuunneqartoq nalunaarutigereeraallu tamanna pivoq. Siouximi naggueqatigiit sumiiffimmi tammaarsimaffiliorsimapput. Avatangiisimullu illersuinniaqatigiiffinnit sakkutuuiarnernillu tapersersorneqarlutik.
- Utoqqartavut inuusuttortagullu ilagalugit misigisaq una peqataaffigisinnaagakku nuannaaritigeqaara. Eqqaamassavarpulli piareersimassagatta ingerlaqqinnissatsinnut, illersuiniat ilaa Morning Star Angeline Chippewa-Freeland CNN-mut oqarpoq.
Imip mingutsinneqarnissaa ernummatigaat
Akerliussutsimik takutitsisut oliemik ruujorersualiortoqarpat imermik pilersuinerup mingutsinneqarnissaa ernummatigaat.
Taakkualu akerliussutsimik takutitsivimminni ukiinissartik pilersaarutigisimallugu.
Akerliussutsimik takutitsisut Donal Trump præsidentinngorpat qanoq pisoqarumaarnera maanna pissanngatigilerpaat.