Sinerissap qanittuani qaleralinniarneq unikkallartoq

Aalisarnermut Naalakkersuisoqarfiup sinerissap qanittuani Qeqertarsuup Tunuani umiatsiaaraq atorlugu qaleralinniarneq unitsikkallarpaa.

Qaammammut pisassat
Aalisarneq pingasunngornermi septembarip 14-ani unissaaq, umiatsiaararsortunut aqutsiveqarfimmi pisassiissutit tamakkerneqangajalermata. Ulloq taanna aamma umiatsiaaqqanut tunitsiviusussaq kingulliussaaq.

Aalisarneq 151 tonsinik qaammammut pisassiissutilerlugu 1. oktober 2016 ammaanneqaqqissaaq, Namminersorlutik Oqartussat ilisimatitsipput.

Atuaruk: Qeqertarsuup Tunuani qalerallit suli tatineqarput