illersornissaq
Sinerissamik nakkutilliissut sipaarniarnermit eqqugaasinnaasoq
Sakkutooqarnikkut milliardikkaanik sipaarniuteqarnikkut Issittumi Sakkutooqarfiup suliassai ilungersunartumik eqqugaasinnaapput
Illersornissamut isumaqatigiissutissap akuerineqarnissaa sioqqullugu sakkutuut milliardit koruunit missaannik sipaarniutissanik nassaarniaqqullugit pisussaaffilerneqarput.
Sipaarniarfissatut siunnersuutigineqartut aningaasartuutissatut missingersuutinik misissueqqissaarnermi 1.000inik quppernilimmi, siunnersuisartunit Boston Consulting Groupimit aamma Struensee & Comit suliarineqartumi takuneqarsinnaapput.
Misissueqqissaarneq isumaqatigiinniartunut illuatungeriinnut nassiunneqareerpoq. Taanna aningaasaqarnermut ministeeriaqarfimmi septembarimi oktobarimilu suliarineqassaaq tamatumalu kingorna nalunaarusiaq naammassineqareeruni, illersornissamut isumaqatigiissutissatut tamarmiusumut ilanngullugu Danmarkimi naalakkersuisut siunnersuutaattut politikerinut agguaanneqassalluni, sakkutooqarnermi sipaarutissat saniatigut pitsanngoriaatissanik aningaasaliiffigisassanillu allanik imaqartussaalluni.
Illersornissamut ministerip siusinnerusukkut oqaatigeriigaatut Issittumi Sakkutooqarfiup ingerlatsinera nukittorsarneqassaaq, tamannali qanorpiaq piviusunngortinneqassanersoq suli inissinneqarani.
Aningaasartuutissatulli misissoqqissaarneqartumi Kalaallit Nunaanni sipaarniartoqarnissaa tikkuarneqarpoq, tamakkuli piviusunngortinneqassappata issittumi politikkimik ilisimatuup Jon Rahbek Clemmensenip, Syddansk Universitetimeersup eqqumiiginartippaa.
Allaaserisaq tamakkuerlugu sapaatip-akunnerani Sermitsiami saqqummertumi atuarsinnaava. Aviisi uani pisiariuk: