Sinerissamiittut kræftertut artornartorsiornerupput
Kalaallit Nunaanni ilisimatusarneq nutaaq naapertorlugu kræftimik nappaateqartut Dronning Ingridip peqqissaavianut ungasissumiittut Nuummiittunit ajornartorsiornerupput. Aamma aningaasatigut toqqissisimaneq kræftimik nappaatip sunniunneranut inuunerullu naleqassusianut pingaaruteqartupilussuuvoq
Inuunermut ulorianartumik kræftimik nappaateqarneq namminermini ajoreeqaaq. Sinerissamilu avinngarusimaqisumiikkaanni sanatigullu aningaasaqarnikkut amikkisaarluni suli ajornerusarpoq.
Aviisi AG saqqummertoq kingulleq taama allaaserisaqarpoq.
Ilisimatuussutsikkut allaatigisaq
Tamanna Kalaallit Nunaanni kræftimik nappaateqartut atugaat pillugit ilisimatuussutsikkut allaaserisami saqqummeqqammersumi inerniliussat ilagaat. Allaaserineqartut sisamat ilaagaat iluaallatsitsiniarluni katsorsaanermik taaneqartartoq pillugu Ilisimatusarfimmi Peqqissaanermut ilisimatusarfimmi ph.d.-ngorniartup Mikaela Augustinussenip allaaserisaa.
Kalaallit Nunaanni kræftimik napparsimallutik peruluttut atugaannik misissuinerit siullersaraat, tassanimi iluaallatsitsiniarluni katsorsaanermi immikkut ilinniarsimasoqanngilaq, assersuutigalugu Danmarkimi taamaattoqartoq. Taarsiullugu sumiiffinni peqqinnissaqarfiit napparsimasut ikiornissaannik aalajangiisuussarput.
12-it toqupput
Tamatuma kingunerisarpaa ingammik sinerissami napparsimasut atugarliortarnerat, tamannalu immersuititsilluni apersuinerup immikkut suliap inernerata takutippaa, taannalu napparsimasunit 58-init minnerpaamik ataasiartumik akineqarsimavoq, 27-llu qaammatit pingasut ingerlaneranni katillugit sisamariarlutik akipput. Tamatuma ingerlanneqarnerani inuit 12-it toqupput.
Allaaserisaq tamaat AG-mi una linki ataaniittoq aqqutigalugu atuaruk: