tusarnaartitsineq

Simon Lyngep tusarnaartitsinissani pillugu: Erinnat nutaat atussavakka

Nipilersortartoq Simon Lynge arfininngorpat Nuummi tusarnaartitsissaaq. Uani apersuinermi kalaallit inuusuttut oqinnerusumik tigusisarnissaannik kajumissaarivoq.

Simon Lynge spiller på Manhatten Nightclub lørdag
Simon Lynge arfininngorpat Manhattan Nightclubimi tusarnaartitsissaaq.

Simon Lynge ilisariteqqissaarneqarnissaminut pisariaqartitsinngilaq. Nipilersortartoq taalliortoq Nunatsinni inuusoq, Europami aamma USA-mi tusarnaartitsisareerpoq, Tuluit Nunaannilu kalaallini siullersaalluni nuuteeqqamik saqqummersitsisuuvoq.

Nuummi arfininngorpat Manhatten Nightclubimi tusarnaartitsissaaq, tassungalu qilanaaqaaq. Taamaakkaluartoq ataatsip allaanerusinnaanera neriuutigigaluarpaa.

Atuaruk: MIO-p angalanerani Simon Lynge tusarnaartitsisoq

- Aputeqaqaaq. Nassuerutigisariaqarpara upernarpalaarnerunissaa neriuutigismagaluarlugu, taanna Sermitsiaq.AG-p oqarasuaatikkut pissarsiarimmagu illalaajutigaluni oqarpoq.

Erinnat nutaat appisimaagassat
Simon Lyngep erinnat sorliit atorusunnerlugit aalajangersimanngilaq. Tamakku nipilersortarfimmut qaqinnginnermini aatsaat aalajangiuttarpai. Kisianni erinnat nutaat atorumaarlugit tusarnaartussanut neriorsuutigisinnaavaa.

- Taallanik nutaanik allarujoortuaannarpunga, tamanna inuunerma ilagaa. Guitarilerluni isumassarsiorujoorneq. Taamaammat erinaq ataaseq marlulluunniit atorumaarpakka, Simon Lynge oqarpoq.

Atuaruk: Simon Lynge nutaamik musikvideomik saqqummersitsisoq

Nuuteeqqamilli nutaamik qaqugu saqqummertoqarsinnaanera itisilerusunngilaa.

Qanimut tusarnaartitsineq
Nipilersortartup aamma arfininngorpat tusarnaartitsinissani qilanaaraa, sumiiffimmi mikisumiinnera pissutigalugu qanimut tusarnaartitsinerussammat.

- Tusarnaartunut qaninnerusarpunga, inunnullu attaveqarnissamut ajornannginnerulersitsisarpoq. Angerlarsimaffimmi inimi ataatsimooqatigiinnertut misiginarnerusarpoq, Simon Lynge oqarpoq, taassuma inuiaqatigiinni nalinginnaaleriartortumik maluginiagaqarsimavoq.

Nuannisarit
- Inuusuttuunermi pissutsit pitsaanerpaat inuusuttuunermi pisarnerat isumaqatigiissutigineqarnera nalinginnaaleriartortoq isumaqarpunga. Tamannalu isumaqatiginngilluinnarpara.

Kalaaleq nipilersortartoq 37-nik ukioqalissaaq. Simon Lynge 17-inik ukiulik siunnersuummik ataatsimik pitsaasumik oqarfigissagaluaruniuk, pissutsit ilumoorsaarpallaarluni tigussanngikkai oqarfigissagaluarpaa.

- Inuuneq takeqaaq, nuannisarit. Inuusuttuaraallunga utoqqarpalullungalu perungasorujussuuvunga, inuunini pisut ilaasa sukkasuumik silappaarinnissanut akisussaaffeqarnissannullu pisussaaffeqalersinnikuummannga. Ukiut ingerlanerini pisortanut akuersiinnarunnaarnerunikuuvunga, immaqa maanna pisortat iliuuserisaat eqqortuujuaannanngimmata, Simon Lynge oqaluttuarpoq.

Kalaaleq nipilersortartoq ullumikkut USA-mi Port Townsendimi najugaqarpoq.

Powered by Labrador CMS