Simon Lyngep saqqummersitaa nutaaq

Ammip pappiaratut amitsigisup anersaat ikilersimasut assersorpai.

Simon Lyngep nipilersugaata ‘Paper Thin’-ip anersaat ikilersimasut anniaataannik nipaallisinnissaannik ujartuivoq, immaqa minnerunngitsumik taalliortup nammineq anersaavanik.

Nipilersugaq ataaseq nuuteeraliaanit ukiormanna saqqummertussamit ‘Deep Snow’-imit saqqummertoq siulliuvoq.

- Suliassaq qanorluunniit annikitsigigaluaraangalluunniit, timera aliasukkaangami nillernerusutut misinnartarnera pissutigalugu, nuuteeraq nutaaq Deep Snowimik taaguuteqarpoq. Ilaatigut ‘Paper Thin’-itut misigisimasarpunga, Simon Lynge nipilersugaq pillugu taama allappoq.

Nipilersugaq neriulluarnartumik aallartippoq:

- Piviusoq pitsaanerusoq upperiniarpara, oqaaseqatigiit siulliit taama nipeqarput.

Kisianni sukkasuumik nipimut tussunngunarnerusumut taarnerusumullu nuuppoq.

- Ukiuunerani taartumiitillutit, inuunerup ikualanera aamaannaavoq, timit qerivoq, utoqqalisutut misigivutit, anersaatut kajortutut, orpiillu piluttatik tamaasa annaasimavaat, ameq aserujasoq pappiaratut amitsigaaq, taanna erinarsorpoq.

Taassumali taartumi neriuuteqarnerarpaa.

Niplersugaq Spotifymi aamma iTunesimi tusaaneqarsinnaavoq.

Simon Lynge maanna Danmarkimi tusarnaartitseqattaarpoq.

Taallap nutserneqarnera Sermitsiaq.AG-mit suliarineqarpoq.

Powered by Labrador CMS