Simon Lynge neriuuteqalaarpoq

Erinarsortartoq nipilersortartorlu assamigut suliariteqqammerpoq. Assaata nukittorsarnissaa tullinnguuppoq

Simon Lynge assamigut akunnerit sisamat minutsillu 20-it suliaritippoq marlunngormat.

Nulia Janna Knudson Facebookikkut taama allappoq.

Suliaritinnginnermini qiterlini mikileqqanilu peqissinnaasimanngilai, suliaritereeramili pitsanngoriaateqartoqarpoq.

- Suliaritereernerma kingorna itersarneqarpunga, tassani assakka peqissinnaanerikka aperineqarpunga, Simon Lynge allappoq.

- Aperineqareernerma kingorna misilippara, peqissinnaappullu, nuannaangaarama qullipippunga. Taanna pereermat sininnartumik kapiteqqippunga.

Simon Lynge igaffimmi ungasinngitsumi ajutoorujussuarpoq tassami assamigut kilerujussuarpoq. Suliaritinnera pitsaasumik ingerlasimasoq ilisimatitsissutigineqarpoq, peqqissaartumik suliarineqarsimalluni.

Suliaritereernermi kingorna iterami anniartorujussuusimavoq nipaallisaatilluunniit iluaqutaasinnaasimanatik.

Powered by Labrador CMS