silap pissusia

Silap pissusiata allanngoriartornera pillugu nittartagaq

Nittartakkami silap pissusiata allanngornerata kingunerisaanik nunarput qanoq sunnerneqassanersoq takuneqarsinnaavoq, allannguutinullu qanoq naleqqussartoqarniarnersoq.

Pinngortitamut Avatangiisinullu Naalakkersuisoqarfiup nittartagaa ”Climate Greenland” atoruminarninngortoq pingasunngornermi saqqummersinneqarpoq.

Nittartakkami silap pissusiata allanngornerata kingunerisaanik nunarput qanoq sunnerneqassanersoq takuneqarsinnaavoq, allannguutinullu qanoq naleqqussartoqarniarnersoq.

- Nittartagaq sisamanik iserfissaqarpoq: innuttaasunut, kommuninut, inuussutissarsiutinut ilinniarnermullu. Taamaalilluni ilisimasat atuarfinni gymnasianilu ilinniartitsinermi atorneqarsinnaasut ataatsimoortinneqarlutik. Taakkua saniatigut aamma siunissami silap qanoq issangatinneqarnera pillugu paasissutissat nassaarineqarsinnaapput, Kalaallit Nunaata gassinik silaannarmik kissatsitsisartunik aniatitsineranut tunngatillugu paasissutissat Kalaallillu Nunaata nunanik allanik sila pillugu suleqateqarneranut tunngasut nassaarineqarsinnaapput, Namminersorlutik Oqartussat tusagassiuutinut nalunaarummi ilisimatitsipput.

Inuit suliniaqatigiiffiillu suliamut tunngassuteqartut attaviginissaannut paasissutissat nittartakkallu allat silap pissusianut tunngasut pillugit paasissutissat nassaarineqarsinnaapputtaaq.

'Climate Greenland' kalaallisut, qallunaatut tuluttullu allaqqavoq, uani paasisaqarnerusinnaavutit

Powered by Labrador CMS