silaannaap allanngornera
Silap pissusaata allanngoriartornera nannunut sunniuteqanngikkunartoq
'Nannut silap pissusaata allanngorneranut eqqorneqarput', ilaatigut taama allaaserisaqartoqartarpoq. Tamannali ilisimatuunit misissorneqalerpoq
Nannut saarngi ilaatigut misissorneqassapput. Ilaatigut nannut ukiut 10.000-it matuma siorna saarngi Skt. Petersburgimeersut misissorneqassapput Statens Naturistoriske Museumimi Københavnimi, tassani silap kissatsinnerani aamma nannut qanoq navianartorsiorsimasinnaanerat misissorneqassalluni.
- Nannut navianartorsiortuuneranik IUCN (International Union for Conservation of Nature and Natural Resources) nalunaaruteqartarpoq. Nannut saarngini misissuinermi sunniuteqarsinnaasut misissorneqassapput, Eline Lorenzen oqaluttuarpoq.
Nannut silaannarmi kissartumeereersut
Ukiut 6.000-8.000-t matuma siorna ilisimatuut paaserusuppaat. Taamani Kalaallit Nunaata silaannaa aamma kiatsippoq, tassani immap sikuata annersaartaa aalluni. Silap taamanersuartut kiatsigilernissaa naatsorsuutigineqarpoq.
Maannakkut nannut ukiullu 10.000-it matuma siorna sanilliunneqarput, tamannalu ilaatigut paasissutissiivoq:
- Misissuinerni paaseqqissaassavarput qanoq nannut annassimanersut kiatsinneranit. Ilisimatuussutsikkut misissuinerit suliarineqassapput, silaannaallu kissatsinnera tassani paasineqassalluni. Aamma paasineqassaaq siunissami nanoqarunnaassanersoq imaluunniit ilisimatusartut nutaanerusut paatsuugaqarsimanersut.