Nuuk
Sila suli uumisaarivoq: Nuummit aallartussat aamma kinguuattooqqipput
Nuummi mittarfik piareernissaminut angumersinngitsuulerpoq, taamalilluni timmisartorsuarmut ilaasussat angumersisinnaanatik
Nuummit Danmarkimut ullumikkut angalasussaagaluit naammagittarlutik utaqqisariaqassapput.
Siullermik angalasussat sapaatiummat anorersuarneranik kinguaattoorput. Ilanngullugulu Norsap Danmarkimut aallannginnerani Kangerlussuarmut tikissinnaanngillat.
Piariinngitsoq
- Mittarfik piffissaatillugu piareersinnaanngilaq, timmisartullu Nuumminngaanniit timmisartorsuaq gl782 angumerisinnaanngilaat, Air Greenlandimi attaveqarnermut sulisoq Emil Nørgaard Stach ilisimatitsivoq.
Ilaasussat pineqartut mittarfik piareeriarpat Kangerlussuarmut timmisartuunneqassapput, tassanilu unnuissapput marlunngornermilu Danmarkimut ingerlaqqissinnaassallutik, timmisartortitseqatigiiffik paasissutissiivoq.
Nuummi anorersuarnerani sisorartarfimmi anorimut uuttuut sekundimut meterit 34-iusut takuneqarsinnaasoq, Asiaq ilisimatitsivoq. Anorilu sakkortungaarmat, Nuummi mittarfiup anorisaataa tinngussaasoq, Air Greenland paasititsivoq.
Atuaruk: Kitaani timmisartuussinissat tamarmik anorersuarmit kinguarsarneqarput