anorersuup kingorna
Sila suli ajornartorsiortitsisoq
Irena Arctica anorersuarmik kinguaattoorpoq, Kangerlussuarmilu innuttaasunik ataatsimiititsinissaagaluaq taamaatiinnarneqarluni
Kangerlussuarmi Tunup avannaarsuani Citronen Fjordimi zinkimik aatsitassarsiorfissaq pillugu ullumi innuttaasunik ataatsimiititsisoqartussaagaluarpoq.
Anorersuarnerali angallannikkullu pilersaarutit sunnersimaneqarnerat pissutaallutik ataatsimiititsinissaagaluaq taamaatiinnarneqartoq Namminersorlutik Oqartussat nalunaarput.
Containerersuut kinguaattoortoq
Royal Arctic Linemit oqaluttuarineqarpoq, Kitaani anorersuarnera pissutigalugu sinerissamut pilersuinerup ilaa kinguaattoorfiusoq. Tamanna Irena Arcticap angalanissaanut pilersaarutip allanngortinneqarneranik kinguneqarpoq.
- Tamanna angalanissamut tullermut illoqarfiit avannarliit kujallernit siulliullugit tikinneqarnerannik kinguneqassaaq. Irena Arctica aamma Nuka Arcticamit orsussamik pisariaqalerpoq, umiarsuup kitaani angalanini nangissinnaajumallugu.
Pissutsit arlallit inissittut
- Umiarsuaq tamatuma kingorna Danmarkimut ingerlaqqissaaq. Tamanna piffissami matumani taamaallaat Sisimiunut pilersaarutit naammassineqarsinnaanerannik isumaqarpoq, RAL-imit oqaluttuarineqarpoq, tamatumalu persaqusersuutaasinnaanera ajuusaarutigineqarluni.
RAL.gl-imi angalanissamut pilersaarut nutartigaq: Irena Arctica atuaruk
Anorersuarnerata kingorna Nuummi Nuussuarmi imermik pilersuisoqaqqilerpoq, sinersortaallu Sarfaq Ittuk tallimanngornermi ualikkut tulassinnaanngorluni tamatumalu kingorna avannamut ingerlaqqilluni.