ujaasineq
Sila pissutaalluni timmisartuaqqamik ujaasisoqarsinnaanngikkallartoq
Tunumi ujaasineq suli angusaqarfiunngilaq
Timmisartuaraq ataatsimik ilaasoqartoq sisamanngormalli sumiiffeerunneqanngitsoq suli nassaarineqanngilaq. Timmisartuaraq Keflavikimit Kulusuliartilluni tikingajalernerani attaveqarfigineqarunnaarpoq.
Ujaasinerup tamanna suli inernerigallagaa Naviairip ataqatigiissaarisuanit Camilla Hegnsborgimit nalunaarutigineqarpoq.
- Ajoraluartumik ujaasinermi nutaarsiassaqanngilaq. Sikorsky ulloq tamaat angalavoq, pukitsunik pujornera sakkortuumillu anorlernera pissutaalluni ujaasineq unitsikkallartariaqarpoq, oqarpoq.
- Unnuup ingerlanerani ataatsimiissaagut ujaasinermi susoqassanersoq, aqaguli Sikorsky ujaarleqqissaaq. Qulimiguulik kisimi timmisartuaqqamik ujaarlertuuvoq. Timmisartut sanioqquttut piumaffigineqartarput ammut qiviartaqqullugit, sulili aamma tamanna angusaqarfiunngilaq, Camilla Hegnsborg oqarpoq.