Ikiorpoq
Sila pissutaalluni Nuka Arctica kinguaattoorpoq - Sakkutuut Imarsiortut ikiuinissamut piareersimapput
Umiarsuaq Sisimiunut ingerlaaqqilernissaminik misiliivoq, tassanilu tikinniariaruni usingiarneqassaaq. Sakkutuut Imarsiortut umiarsuaat Triton Nuup eqqaanut ingerlaarpoq imaassinnaavorlu Nuka Arctica-mut ikiuuttoq ajornartorsiulissagaluarpat
Nuka Arctica 1509 anorimik sakkortuumik aamma sermertoornermik pissuteqartumik kinguaattooqqasoq ippassaq Nuummiit Sisimiunut aallarpoq. Unnuap ingerlanerani umiarsuaq Kangerlussuup paavata nalaani sikumut kiggussaavoq.
- Umiarsuup qaammarnissaa utaqqivaa sikup qanoq innera takuniassagamikku aamma quppassarsiorlutik ingerlaqqinniarniassallutik. Maannakkut umiarsuaq Sisimiunut ingerlaaqqilernissaminik misiliivoq, tassanilu tikinniariaruni usingiarneqassaaq, Royal Arctic Line tusagassiutinut nalunaarummi ilisimatitsivoq.
- Sakkutuut Imarsiortut umiarsuaat Triton Nuup eqqaanut ingerlaarpoq imaassinnaavorlu Nuka Arctica-mut ikiuuttoq ajornartorsiulissagaluarpat. Tamanna pisinnaavoq Triton sikumik aserorterinissaminut periarfissaqarnerummat aammattaaq helikopteria qupparsiornermut atorneqarsinnaammat, Royal Arctic Linemit ilisimatitsissutigineqarpoq.