nilloriartortoq
Sila immaqa nillertikkiartussaaq
Atlanterhavemi immami sarfat pissusissamisoortumik allanngorneri silamik nillernerulersitsisinnaapput
Nunarsuup kissakkiartorneranik aamma kingunerisinnaasai ukkatarineqarnerunerata nalaani, ilisimatuussutsikkut misissuinerit arlallit takutippaat, nunarsuup avannarpasissortaa, ingammik Issittoq piffissami sivisunerusumi silaannaa nillerneruleriartorsinnaasoq.
Jyllands-Posten taama allappoq.
Jyllands-Postenimi atuaruk: Ny forskning: Det bliver måske koldere i nogle årtier
Gradinik arlalinnik assigiinngissusillik
Ilisimatuut teoriiminni ilumuussappata, nunarsuup avannarpasissortaa piffissami - nalinginnaasumik - siunissami ukiut 30-35-t qaangiuppata gradinik arlalinnik nillerneruleriartulersinnaavoq.
Atlanterhavetimi immap sarfaasa pissusissamisoortut, Atlantic Multidacadal Ossicilationimik (AMO) taaguutillip, ilisimatuut misissuinerminni qanoq Atlanterhavetip silaannaani kissassuseq oqaluttuarisaanermi Issittumi silap pissusiata allanngortanerani sunniisarnersut inerniliipput.