Sullualuk
Sikunik aserorterut Nuummut tikinnermini rekortiliivoq
Finlandimiut sikunik aserorterutaat aatsaat taama siusitsigisumik Sullualikkoorluni rekortiliivoq.
Ulloq 30. juli rekortiusimangaluarpoq, Sullualillu aatsaat aasaanerani angallavingiuminarsisaraluarluni. Canadamiut sinerissami alapernaarsuisuinit 2008-mi rekortiiliisoqarsimavoq.
Finlandimeersoq MSV Nordica arfininngornermi ulloq 29. juli Nuup umiarsualivianut tikippoq. Taamaasilluni Louis L. St-Laurentip ukiut qulingiluat matuma siorna rekortiilinera ullormik ataatsimik sioqqutilaarpaa. Kisianni canadamiut umiarsuaataa aqqut alla angallavigisimavaa.
Finlandimiut sikunik aserorterutaat Canadami Vancouverimiit Nunatsinnut Nuummut ulluni 24-ni angalavoq. Angalanermi ilisimatuut ilaasorineqarput.
Silaannaap kissakkiartornera pissutigalugu ukiuni kingullerni aqqut angallavingiuminarpoq.
Kinamiut 2013-mi Sullualik aqqutigalugu niuffannermut aqqummik nutaamik ammaasimallutik nalunaarutigaat.
Sullualik ukiup ataatsip ingerlanerani qaammatit sisamat missaani aqqutigineqarsinnaasarpoq, tassa juulip qaammataasa naaneranit.
Russit sikumik aserorterisartuat Rosatomflot aallaavigalugu 2012-mi Sullualik umiarsuarnit 36-nit aqqutigineqarsimavoq, 2010-milu umairsuarnit sisamaannarnit aqqutigineqarsimalluni.
/ritzau/AP