Ilulissat
Sikuminerit Kangiamiunut iminngorlugit tuniniarneqartalissapput
- Tuniniartakkavut Kinami soqutigineqartorujussuusarput. Indonisiami aamma tuniniaasalissaagut, Arctic Ice Cap Waterimit oqaatigineqarpoq
Kalaallit Nunaannit imermik tunisassiortut Arctic Ice Cap Water imermik tunisassiornermi erngup ajoqquteqannginnissaa ukiumi kingullermi qaangiuttumi anguniarneqarluni suliarineqarpoq.
- Imeq tunisassiarineqartoq pitsaanerpaaffimminiittussaavoq. Tassanngaannit tunisassiornerput aamma ineriartortissinnaavarput, Arctic Ice Cap Waterimi pisortaq Peder Pedersen.
- Tunisassiornermi atortut Qeqertarsuup Tunuani misissoqqammerparput. Tunisassiornermi inuit pingasut ikinnerpaamik suleqatigiittariaqarput. Suliaqarnerput pitsaasumik ingerlavoq. Sikumerngit containerimut ikineqartarput, Danish Botlingimilu Brandemiittumi imertaat maqinneqartarput.
Ilulissanit sikumerngit
KJ Greenland Ilulissaniittut Arctic Ice Cap Waterimit suleqatigineqarput. Umiaasaaqqamik sikungerngit tiguneqartarput.
- Kinami tunisassiarisartakkavut soqutigineqartorujussuusarput. Maannakkut Indonisia tullinnguuppoq, Peder Pedersen oqarpoq. Qeqertarsuup Tunuani pingasunik sulisoqarsinnaalernissani neriuutigaa.
Ilulissani sikut kaanngartarfiannit sikunik tunisassiaminnik tigusisarput. Sikumerngit containerikkut Danmarkiliaanneqartarput. Taamatut suliaqarneq Naalakkersuisunit akuerineqarpoq, taamaattorli suliffeqarfik royaltiesinik aningaasartuuteqartassalluni.
Arctic Business Networkip Sermitsiaq.AG-illu suleqatigiinneratigut allaaserineqartoq saqqummiunneqarpoq. Arctic Business Network pillugu uani atuarit