isbjerg
Sikuiuitsoq Kujallermi iluliarujussuaq kaanngartoq
Iluliarujussuaq 5800 kvadratkilometerisut angitigisoq kaanngarpoq, Swansea Universitetimi ilisimatuut oqarput.
Iluliarujussuaq tuusintit milliardit tonserpassuarnik oqimaassusilik Sikuiuitsoq Kujallermit kaanngarsimavoq, nutaarsiassaqartitsivik AFP naapertorlugu immikkut ilisimasallit taama ilisimatitsipput.
Iluliarujussuaq immikkut ilisimasalinnit qanimut malinnaaffigineqarsimasoq ataasinngornermi juulip qulingata aamma juulip 12-ata akornanni kaanngarpoq, tassani 5800 kvadratkilometerisut angitigisoq kaangarpoq, Walesimi Swansea Universitetimi immikkut ilisimasallit nakkutilliisimasut oqarput.
Manna tikillugu iluliaq 2010-mi Petermannip sermianit kaanngartoq 200 kvadratkilometerisut angitigivoq.
Iluliarujussuaq kaanngartoq nalunaarsorneqarsimasunit anginerpaat ilagaat.
Iluliarujussuaq Sikuiuitsoq Kujallermi immikkoortumit Larsen C-mit kaanngarpoq, kaanngarnissaalu qaammat sinnerlugu utaqqineqarsimalluni.
Sikuiuitsoq Kujallermi nunap immikkoortuani Larsen C-mi sermeq iluliarujussuup kaanngarneratigut 10 procentinik annikillisimasoq, qaammataasatigut assilisat takutippaat.