ingerlalluarneq
Siku sermersuarmeersoq avammut nioqqutigineqartoq
Maik Carretero, sullivinnik aallartitsisut unammitinneqarneranni ajugaaqqammersoq, kingoraartissatut sikulianik Danmarkimut niueruteqaleqqammerpoq. Suliffeqarfiullu alleqqinnissaa alloriarnerup tullerissavaa
Jordbærimik, kigutaarnanik appelsinamilluunniit Kalaallit Nunaata sermersuanit sikuliamik perusunngilatit?
Aallarnisaasup Maik Carreterosip sikuliai 2011-mili Nuummi pisiarineqarsinnaapput. Maannali sikuliat nunanut allani tuniniarneqalerput.
Pisinarfik nunani avannarlermiut mamartuutaannik nioqquteqartartup Transhuset Københavnimiittup Greenland Icet siulliit ukioq maannamut tunniunneqartussat inniminersimalerpai. Aalborgilu tullinnguuppoq. Sikuliortullu kingorna Danmarkimi tunisat annertusinissaat kiisalu Skandinaviap sinneranut avammut niuertalernissaq tullinnguutilersaarpai.
- Ilimagisamit ingerlalluarnerujussuuvunga. Tranhusimut sikuliat tunisat siulliit 1.000-it ullut marluk ingerlanerinnaanni nungupput, pisiniarfillu inniminneeqqippoq. Aalborgimilu bussini filmertarfinnilu ussassaarinissarput piareersarparput. Oslomi niuer- sinnaanerput misissorlugu aallartereerparput, Maik Carretero nassuiaavoq.
Greenland Icellu ukioq manna nunatsinni Danmarkimilu sikunik 100.000-inik nioqquteqarsinnaanera neriuutigaa.
Allaaserineqartoq Nuuk Ugeavisimi atuarneqarsinnaavoq. Nuummi pisut pillugit aviisimi aamma allanik atuartoqarsinnaavoq. Nuuk Ugeavis akeqanngitsumik ataani aajuk: