Nuuk Playground
Sikkilinik tinngallattaartarfik
Blok P-p inigisimasaanut isikkivik illunit nutaanit taarserneqarsimanngilaq, akerlianilli BMX-ertartunut mountainbikertartunullu sikkilertarfimmik dirt-banemik annertujaamik taarserneqarsimalluni
Dirt-bane issumik sioqqanillu BMX-ertartunut mountainbikertartunullu sanaajuvoq, tamatumanilu sioqqanik issumillu qattunersaliat atorlugit ingerlaartarfiliortoqarluni assigiinngitsunik portussusilinnik tinngallattarfilinnillu.
Pingasunngornermi ualikkut inuusuttuaqqat 25-t missaanniittut sikkilertut aallaavigissagaanni dirt-bane nutaaq illoqarfiup inuusuttuarartaanit nuannarineqarlualereernera malunnarpoq.
Kommuneqarfik Sermersooq ’Nuuk Playground’-imik taagorneqartumut Nuummi meeqqanut inuusuttuaqqanullu sammisassaqartitsivittut allanik aamma suliaqarfiusussamut, tunuliaqutaavoq.
Pilersaarutit naapertorlugit aasaq tamakkerlugu silami sammisassaqassaaq, tamaanilu pissitassalimmik sukkaniuttarfiliortoqassalluni, skatertarfiliortoqassalluni timersorfiliortoqassallunilu, inuit pinnguaataannut aamma atorneqartussamik.
Nuummi susoqarnersoq Nuuk Ugeavisimi oqaluttuanik amerlanernik atuarsinnaavutit. Aviisi akeqanngitsumik uani pisiariguk.