pisisinnaassuseq
SIK-p akit qaffasissut eqqumiigai
Sulinermik inuussutissarsiuteqartut kattuffiata SIK-p Danmarkimi Kalaallit Nunaannilu pisiniarfinni nioqqutissat assigiit akiisa assigiinngissuteqartorujussuusarnerat eqqumiigaa
Inatsisartut sanaartornermi atortussiassanik nunatsinni tunisassiortarneq kiffartuussissutinillu nunatsinneersunik pisisarneq upernaakkut ataatsimiinnerminni eqqartorpaat.
Sulinermik inuussutissarsiuteqartut kattuffiata SIK-p ‘nunatsinneersunik pisigit’-mik paasisitsiniaaneq tapersersorpaa – imaanngitsorli qanorliit akeqassagaluarpat.
Atuaruk: Naalakkersuisut oqariartuutaat: ‘Nunatsinneersunik pisigit’ itigartikkaat
Nunatsinni tunisassiorneq kiisalu nioqqutissanik kiffartuussissutinillu nunatsinneersunik pisiniartarneq najukkami SIK-mut ilaasortanut suliffissanik pilersitsisarpoq, nunatsinnili akit Danmarkimi akigitinneqartunit amerlanertigut qaffasinnerujussuusarlutik.
Assartuineq aamma momsi
Eqqaamaniutissatut najoqqutassami oqaatigineqartarpoq, Danmarkimi momsi Kalaallit Nunaannullu assartuinermi akit assigiiginnapajaartartut, taamaattumillu Danmarkimi nunatsinnilu pisiniarfinni nioqqutissat assigiit amerlanertigut akimikkut taama nikingatigisarnerat SIK-mit eqqumiigineqarluni.
Atuaruk: Randip AG isornartorsiorpaa
Atornerluineq sianigalugu
– Pisiniarfiit suliffeqarfiillu namminersortut ‘Nunatsinneersunik pisigit’-mik paasisitsiniaaneq atornerlullugu akinik qaffaarujussuarnissaat mianersorfigissavarput, kattuffiup siulittaasua Jess G. Berthelsen Sermitsiamut oqarpoq.
Allaaserisaq tamaat Sermitsiaq uge 22-mi ilaatigut Randi Vestergaard Evaldsenip qisuariaateqarfigisaa atuaruk. Aviisi uani ataani linki atorlugu pisiarisinnaavat