nunatsinnit
SIK ilaqutariit feeriarnissaannut akiliussisoq
Sulisartut SIK-ip isumaqatigiissutai malillugit akissarsiallit ukiut tamaasa SIK-ip sulinngiffeqarnermut aningaasaateqarfianut qinnuteqarsinnaapput, makitaagunillu sulinngiffeqarlutik angalanissaminnut akiliunneqartarput
Sulinermik inuussutissarsiuteqartut kattuffiat SIK ilaqutariit 431-t feeriarnissaannut akiliussivoq.
Sulisartut SIK-ip isumaqatigiissutai malillugit akissarsiallit ukiut tamaasa SIK-ip sulinngiffeqarnermut aningaasaateqarfianut qinnuteqarsinnaapput, makitaagunillu sulinngiffeqarlutik angalanissaminnut akiliunneqartarlutik.
Ukioq manna ilaqutariit katillugit 431 makitaasimapput, taamalu inuit 1300 missaanniittut 2016-imi feeriarlutik aallarsinnaanngorlutik. Makitaasimasunit qulit maanna utaqqisuniipput, SIK tusagassiuutinut nalunaarummi taama ilisimatitsivoq.
Piumasaqaatit
SIK-ip sulinngiffeqarnermut aningaasaateqarfia sulinermik inuussutissarsiuteqartut SIK-ip isumaqatigiissutai malillugit aningaasarsiaqartut sulinngiffeqarlutik angalanissaannut bilitsissaannik akiliussinnaanissaannik siunertaqarpoq.
- Aningaasaateqarfimmit akiliunneqarsinnaassaguit SIK-ip isumaqatigiissutai malillugit atorfeqassaatit, sulisitsisut aningaasaateqarfimmut akileeqataasartunut ilaassaaq aammalu qinnuteqassaatit eqqortumik immersukkamik, taannalu SIK-ip immikkoortortaqarfianut, SIP-mut tunniullugu
Ukiut kingulliit sisamat ingerlaneranni makitaareersimasut makitsinermi peqataatinneqarsinnaanngillat, SIK taama ilisimatitsivoq.