Nuuk
SIK allaffeqarfissamik nutaamik illuliulersoq
Kattuffiilli allat peqataanissaminnut qujaannarput
Sulinermik inuussutissarsiuteqartut kattuffiat SIK, Nuummi immikkoortoqarfia aamma soraarnerussutisiaqalernissamut aningaasaateqarfik Sisa Nuummi allaffeqarfiliorniarput.
SIK aalisartut piniartullu kattuffiat KNAPK illoqatigalugu Nuummi Aqqusinersuarmi najugaqaraluarpoq, piginneqataassutinili sanilerisaminut tunisimallugu. SIK Issortarfimmi inini attartukkani ullumi najugaqarpoq.
Annertuumik ingerlatsinermi iluaqutissat
SIK-p sulisartut kattuffii Nuummiittut tamaasa Kattuffiit Illuannut nooqataanissamut qaaqquai, annertuumik ingerlatsinermi iluaqutissanik atorluaasinnaaqqullugit, kattuffiulli siulittaasuata pakatsissutigisaanik aaqqiissutissaq tamanna soqutigineqarani.
– Kattuffiit allat nooqataajumannginnerat uggornalaarpoq, maannali SIK-p qullersaqarfia immikkoortortaqarfialu kiisalu soraarnerussutisiaqalernissamut aningaasaateqarfik illumut nutaamut tassunga nuuttussanngorput, Jess G. Berthelsen oqarpoq.
Sermitsiami inuussutissarsiorneq pillugu nutaarsiassanik atuaqqigit