Hovedsponsor
‘Siggarta’ nutaamik aningaasaliisutaarpoq
Assammik arsarnermi dommeriusartut peqatigiiffiata 'Siggarta' Grønlandsbankeni ukiuni tullerni marlunni pingaarnertut tapersersuisutut aningaasaliisortaarivaa
Grønlandsbankenip Siggartamut pingaarnertut tapersersuisutut aningaasaliisunngorpoq ukiunut tullernut marlunnut.
Nutaamik, 2016-ip tungaanut ingerlasussamik, isumaqatigiissusiornikkut Grønlandsbankenip aamma Siggartap ilisimatitsissutigaa peqatigiiffimmi dommeriusartut inuusuttut dommerinit nutaarluinnarni Nunatsinni Assammik Arsartartut Kattuffiat suleqatigalugu pikkorissartinneqarlutillu ilinniartinneqassasut.
- Nunatta tamarmi aningaaseriviatut nuannaarutigaarput piffinni ataasiakkaani piginnaanngorsaanermut tapersersuisinnaagatta – aamma peqatigiiffilerinermi. Aamma Siggartap assammik arsarnermi dommeriusartui pissuserissaarluni unammisarnermut, ataatsimoornermut, peqqinnerulersitsiniarnermut ersiutaapput, aammalu pingaartitat taakku Grønlandsbankenimiit tapersersorusuppavut, Grønlandsbankenip allaffissornikkut pisortaa Carsten Th. Pedersen EOI-mi oqarpoq.
Poul Olsen assammik arsarnermi dommeriusartoq aammalu Siggartamik tapersersuisutut aningaasaliisussarsiornermut akisussaasoq Grønlandsbankenimiit taperserneqarnissaminnut qilanaarpoq.
- Grønlandsbanken pingaarnertut tapersersuisutut aningaasaliisoralugu Siggartap ilaatigut dommeriusartut kingulliit nunani tamalaani dommeriusinnaanngornissaat sulissutigissavaa. Taama ineriartortitsinissap aallarnernissaa assut qilanaaraarput Poul Olsen oqarpoq.