Sianerfigineqarnernik SMS-inillu tigusaqarniarnermi ajornartorsiuteqarneq

Tele-Postip sapaammi mobildatamut attaveqaataa qamippoq, atuisut mobilinut attaveqaatitigut internetimut isersinnaannginnerat tamatuma kinguneraa.

Tamannalu ajornartorsiutaavoq.

Atuisut ilaat sianerfigineqartillutik SMS-inillu kingusinaartumik tigusisoqartarneranik ajoquteqartoqarsimasoq, Tele-Post maanna ilisimatitsivoq.

Atuaruk: Mobildatamut attaveerukkallarneq

Ajoqutaasoq paasiniarneqartoq
Tele-Postimi teknikkikkut IT-ullu pisortaq, Jonas Hasselriis, ajoqutaasoq paasiniaqqissaarneqartoq aamma atuisunut ajornartorsiummit eqqorneqartunut ajornartorsiutaasoq ilungersorlutik aaqqinniarsaralugu tusagassiuutinut nalunaarummi oqaatigaa.

- Tele-Postimik pilersuisut suliakkerneqarput ajoqutaasumillu ujaasineq suli ingerlavoq, Jonas Hasselriis oqarpoq.