Arpanneq

Siallersumi marathonerneq

Nuummi martahonertitsineq arfininngornermi nalunaaqutaq 10.00 borgmester Asii Chemnitz Narupimit aallaammik seqqortoralugu aallartinneqarpoq. Aallaat ajortissimavoq, arpannermilu peqataasussat tamanna soqutiginngilaat.

Arpannermi isortartussutsit assigiinngitsut sisamaapput, peqataaniarlutillu nalunaarsimasut 140-llutik, taakkunannga 22-it – marathonerlutik – 42.195 meterinik isorartussusilimmut arpassapput.

"Torrappusi"

Arpannerup aallartinnginerani Hans Lyngep Atuarfiata saani Qinngorpumi kissassertoqarpoq.

Arpannerup aallartinnginerani arpattussat peqataasussarpassuit kissassimaarniarlutik pississaartut, borgmester Asii Chemnitz Narupip oqalugiarfigai.

- Neriuutigisimangaluarpara silagissimanerunissaa. Kisianni torraqaasi. Assut ataqqivassi, borgmester gummeqarlunilu oqortumik kavaajalik oqarpoq. Taassuma nuannaarutigaa illoqarfimmi taama amerlatigisut timersortarnerat.

Paassat masattut

Borgmesteri aallaammik tunineqarsimavoq, taannalu arpannerup aallartinneqarnerani seqqunngitsoorsimavoq. Paassat sialummik masatserneqarsimagunarput.

Ullormi ilaqutariit peqataasinnaanerat periarfissinneqarsimavoq.

Peqataasut tamarmik pinnatassaqarput, isorartussutsillu ilaanni ajugaasut aamma pinnataassaqartinneqarput. Apuuffissami nipilersortoqarlunilu najuuttut nuannisaartinneqarput.

Inernerit takukkit: Nuuk Marathon 2017

Ullup ingerlanerani allaaserisaq nutarterneqartassaaq

Powered by Labrador CMS