Urani

Shenghep Kuannersuit tigunissaannut suli soqutiginnittoq

Shenghep aamma GME-p akornanni isumaqatigiissut Shenghep aktiat 60 procentit angullugit tigusinnaanerinik pilersaarnernut nalunaarutinik imaqarpoq.

Greenland Minerals and Energymi (GME) aktiaatit annersaat Kiinamiut suliffeqarfiutaata Shenghep tigunissaannut periarfissaqanngilaq.

GME-mi piginneqataassutit 12,5 procentii Shenghep pisiariarinissaanut isumaqatigiissut eqqartuussissuserisut misissornerisa kingorna, aatsitassanut naalakkersuisoqarfik taama naqissusiivoq.

Qanoq pilersaarnermik nalunaarut
Tamannali Shenghep piginneqataassutaasut 60 procentiinik anguniagaqarneranut tunniutiinnarneranik isumaqanngilaq.

Tassami pisinermut isumaqatigiissut pisussaaffilersuinngitsumik qanoq pilersaarnermik nalunaarutinik imaqarpoq, GME aatsitassanik qaqutigoortunik aamma uranimik piiaanissamut akuersissummik pissarsissappat, Kiinamiut ingerlatseqatigiiffiata piginneqataassutsit amerlanerusut pissarsiarisinnaavai.

Kisianni piumasaqaatit nalinginnaasut arlallit aamma aningaasaqarnikkut piumasaqaatit naammassineqaqqaartariaqarput.

Naalakkersuisoqarfimmi pisortap Jørgen T. Hammeken-Holmip tamanna Sermitsiaq.AG-mut uppernarsarpaa.

Akuersissuteqarnissamik piumasaqaatitaqartoq
Taamatut tunniussineq imaaliallaannaq pisinnaanngitsoq, tamatuma saniatigut naqissuserpaa.

- Shenghep aalajangiisussatut GME-mi piginnittunngussappat, Naalakkersuisunit akuersissuteqarnissaq piumasaqaataavoq, taanna oqarpoq.

Tassami aatsitassanik piiaasinnaanermut akuersissut allanut tunniutiinnarneqarsinnaanngilaq.

Aamma atuaruk: Kiinamiut ingerlatsiteqatigiffiat Uranisiorfissaq tigusinnaanngikkaat

Powered by Labrador CMS