Sermersuup RUC-professori sassartippaa

Sermitsiaq aviisimut oqaaseqarneq Københavns Byret'imut suliakkiunneqarpoq. Kommuneqarfiit pingaarnersaasa professorip ulloq 18. august Sermitsiaq aviisimut illoqarfiit pingaarnersaanni suliniut pillugu oqaaseqarnera iluarisimaanngeqaa.

"Eqqunngitsumik tunngavilersorneq"

Issuaaneq aallartippoq: "Avataaneersumik aningaasalersuisussar­siornikkut kommunip sanaartornermut missingersuutaani inissaqartitsisoqarnerulernissaa tunngavilersuutaavoq eqqunngit­soq, Ole Helby Petersen oqarpoq imalu nassuiaalluni:

- Taarsigassarsinikkut missingersuutini inissaqartitsinerulernermik oqalunneq ili­simatusarnikkut paasineqartumik eqqor­tuunngilaq. Taarsigassarsinikkut nammineq missingersuutini inissaqartitsisoqalersarne­ra tunngaviuvoq. Inissaqarnerulernerli akiitsoqalerneruvoq ingerlatsinermik missinger­suutinik assinganik tatisiinnartartoq.

Sanaartornermut missingersuutit inger­ latsinermullu missingersuutit naggataatigut pisortat karsianni milluaasunngussapput taamaakkamilu tunngavilersuutigineqartup atorsinnaannginnera erseqqilluinnarluni." Issuaaneq naavoq.

Eqqartuussisunut suliakkiussaq

Sassaqqussummi - eqqartuussisunut suliassanngortitami, Sermitsiaq.AG'p takusimasaani, kommunip inatsisilerituuisa Advokatfirmaet Malling & Hansen Damm piumasaraat, professori Københavns Byret'imut sassartinneqassasoq. Kommunilu imatut pisoqarsimanganeraavoq:

- Sassartinneqartoq peqqunarpoq nassuerutigissagaa, inissiat attartortittakkat ingerlatseqatigiiffinnit tamakkiisumik ilaannakoortumilluunniit aningaasalersorneqarneri Kommuneqarfik Sermersuumit nammineq pilersinneqarlutillu inissianik aningaasalersuinani avataaniit aningaasalersorneqassasut, taakkumi kommunip aningaasaqarneranut iluaqutaasussamik missingersutaani inissaqartitsisoqarne­rulissapput.

Saqqummiineq

Sassaqqussummi, ulloq 8. september allanneqarsimasumi "saqqummiussineq" qulequtaralugu nanginneqarpoq:

Inissiat pilersinneqarnerini kommunimit aningaasalersorneqartussaanngitsut tamarmarmik ilaannakoortumik tamakkiisumilluunniit ingerlatseqatigiiffinnit namminersortunit aningaasaliisartullu avataaneersut ataatsimoorussaannik akilersorneqassasut atuutsinneqarpoq, inimullu akiliutigineqartunit taarsersorneqassallutik, taakkuli kommunip aningaasaqarneranut iluaqutaasussamik missingersutaani inissaqartitsisoqarne­rulissapput.

Ingerlatseqatigiiffiit avataaneersut suleqateqarlutik aningaasalersuinissaat aningaasaqarnermut iluaqusiissapput, tamannami kommuni karsianut sunniuteqassanngimmat.

Uppernarsaasussat aggersarneqarsinnaasut

Kommunip sassaqqusinermini quppernerni arlaqartuni illoqarfiit pingaarnersaanni suliniut pillugu illoqarfiullu ineriartortitsisussatut ingerlatseqatseqatigiiffimmit NCD A/S'imit aningaasalersuinissamut periarfissat ingerlanneqassasut oqaluttuarineqarput, ingerlatseqatigiiffik suliniut pillugu pilersinneqaqqammerpoq.

Kommuneqarfik Sermersuup sassaqqusinermini paasissutissiaraa, pisariaqassappat NCD'mik aningaasalersueriaatsimut pillugu uppernarsaasinnaasoqarnertik sillimaffigeqqullugu.