avatangiisit
Sermersuup kemikalianik atuinini affaannanngortippaa
Eqqiaatinik atuinerup appartinneqarnerani Kommuneqarfik Sermersooq aningaasanik 1 million koruuninik sipaaruteqassaaq, tassa eqqiaatit atortakkat 31 procentimik appartinneqarnerani sipaarutaassallutik.
Kommuneqarfik Sermersuup pisiniarnermut isumaqatigiissutaa malillugu eqqiaanermut atortut 23 tonsiniit 13 tonsinut appartinneqarput.
Nuummi Paamiuniluunniit eqqiaasup timersortarfissuarni naternik eqqiaaneranut atatillugu, eqqiaatitut atortut tamarmik maskinamik imermut akulerunneqartalissapput.
Tamassuma malitsigissavaa, eqqiaasup nammineerluni qaqorsaatit atugassat akuleruttarunnaarnissaat tassa tamanna maskina atorlugu naammattumik tamatigullu assigiimmik akulerunneqartalersussaammata, kommuni allappoq.
Tamatumalu kingunerissavaattaaq eqqiaasut atugarisaasa pitsaanerulernissaat aamma kommunimi eqqiaatinik atuinerup katillugu 43 procentinik aningaasanik sipaaruteqartalernissaa.
Taama pitsanngorsaanermi eqqiaatinik pilersuisunut isumaqatigiissut naapertorlugu atulersinneqarpoq.
Eqqiaatinik atuinerup appartinneqarnerani Kommuneqarfik Sermersooq aningaasanik 1 million koruuninik sipaaruteqassaaq, tassa eqqiaatit atortakkat 31 procentimik appartinneqarnerani sipaarutaassallutik, tamatuma saniatigut ilisimatitsissutigineqarput.