Kiassarneq
Sermersuup fjernevarmemut aqqunni annertusivai
Taamaasilluni kiassarnermut aningaasartuutit annikillissapput, kommunip Nuussuarmi Qaarsunnguani kommunip inissiaataanni najugallit neirorsorpai
Kommuneqarfik Sermersuup ikuallaasarfimmit fjernvarme pitsaanerusumik atorniarnialerpaa.
Tamatuma kingunerissavaa kiassarnermut akit appasinnerusut sipaaruteqarnerillu, kommuni nittartakkamini allaaserisamini neriorsuivoq.
Pilersaarutaavoq kommunip fjernvarmemut aqqutit annertusissagai, ikuallaasarfimmillu kiammik kommunip Qaarsunnguani inissiaatai, naluttarfimmit Malimmit, fjernvarmemik akikitsumik aamma pilersorneqareersumut, 75 meterinik ungasissusilimmiittut, pilersorlugit.
Ikuallaasarfiup eqqakkanik ikuallaanermit kiak atorpaa. Tamanna pitsaanerusumik atorneqalerpat kiassarneq Kommuneqarfik Sermersuumut Qaarsunnguamilu najugalinnut akikinnerulissaaq.
Naatsorsuutigineqarpoq suilniut 750.000 koruuninik akeqassasoq, Kommuneqarfik Sermersuulli naatsorsuutigaa aningaasaliissutit ukiut marluk qaangiuppata utertinneqariissasut, ukiullu pingajussaani 600.000 koruuninik isertitaqarluni, kommunip nittartakkamini allaaserisaani allassimavoq.
Qaarsunnguami najugallit fjernvarmip aqqutaanut, ikuallaasarfimmit Malimmut ingerlasumut, attavilerneqassapput.
Suliniut pilersaarusiorneqalissaaq suliniummut qinnuteqaat naammassineqaannavippat, ukioq mannalu attavileereernissaq naatsorsuutigineqarpoq, kommuni paasissutissiivoq.