meeqqat atuarfiat
Sermersuup atuarfii angusarissaarnerupput
Kommuneqarfik Sermersuumi atuartut nunap sinneranit karakteeriginnerusarput
Nunatsinni meeqqat atuarfiini meeqqat qanoq angusarissaartiginerat assigiinngissuseqarpoq, kisianni atuartut Kommuneqarfik Sermersuumiittut atuarfinnit allanit angusarissaarnerusut maanna uppernarsarneqarsinnaalerpoq.
Atuaruk: Oqaloqatigiiutigaluni nallukattarneq atorneqarsinnaasoq
- Soraarummeerluni misilitsinnermi angusat aamma trintestit inerneri fagini assigiinngitsuni, ataaserli minillugu, kommunimi angusat nunatsinni agguaqatigiissillugu angusaasartunit qaffasinnerupput, Kommuneqarfik Sermersuumi Meeqqanut, Ilaqutariinnut Atuarfeqarnermullu Ataatsimiititap ataatsimiinissaanut oqaluuserisassani oqaatigineqarpoq.
Trintestip soraarummeernerillu
Uppernarsaatit atuarfiit pitsaassutsimut nalunaarusiaanneerput, taakku 2012-imili ukiumut ataasiarluni suliarineqartartussatut peqqussutaasarput.
Atuaruk: Nivi Olsen: Ilinniartitsisunngorniarneq pitsanngorsaavigineqartariaqarpoq
Nalunaarusiat atuarfiit trintestiini, soraarummeerluni misilitsinnerni aamma iliuusissatut pilersaarutaasa pitsaassusaat allaatigineqartarput. Kommuneqarfik Sermersuup atuarfiit meeqqat pikkorinnerulersinniarlugit iliuusaat taakku tunngavigalugit erseqqissaavoq.
Atuarfiup kingorna iluatsitsineq ingerlaqqittarpoq
Ilutigitillugulu atuartut ilinnialerlutik ingerlaqqittartut suliffeqalersimasullu iluatsilluarsimasut, Kommuneqarfik Sermersuup paasisimavaa.
Atuaruk: Sulisitsisut: Suliassanut pilersaarutit aalajangersimasut amigaataapput
- Atuartut ilinniaqqittartut suliffeqalersimasullu ukioq atuarfiusoq 14/15 64 procentimit 73 procentimut ukioq atuarfiusoq kingullermi qaffassimavoq, tamanna oqaatigineqarpoq.