peqquserlunnerit
Sermersuumi whistleblowereqarneq eqqunneqassaaq
Kommunip pilersinniarpaa sumiiffik ataatsimoortoq kommunip aningaasaataanik atornerluisunik nalunaaruteqartarfissaq
Innuttaasut sulisulluunniit kommunip aningaasaataanik peqquserluuteqartunik ilisimannittut, siunissami sumiiffimmut ataatsimut nalunaarsinnaanngussapput.
Kommunip aningaasaqarnerata iluarsinissaanut pilersaarummut ilanngullugu eqqunneqassaaq whistleblowereqarneq, kikkulluunniit aterminik isertuussillutik saaffigisinnaasaat.
Naatsorsuutigineqarpoq whistleblowereqarnermik aaqqissuussineq aallartinneqarsinnaassasoq 2015-ip aallartilaarnerani. Kommuneqarfik Sermersooq 2.200-nik sulisoqarpoq.
- Naak sulisugut tatigigaluarlugit ilimagaarput ataasiakkaaqassasoq, akileraartartut akileraarutaannik imminnut iluaquserniarsinnaasunik, tamannalu akuerineqarsinnaanngilaq, aningaasaqarnermut sulisoqarnermullu pisortaagallartoq Lars Møller-Sørensen sermersooq.gl-imut oqarpoq.
Aaqqissuussineq illup iluani aaqqissuussinertut aallartinneqassaaq, piffissalli ingerlanerani annertusarneqassaaq innuttaasut periarfissaqartilerlugit soorlu ikiorsiissutinik atornerluisunik nalunaaruteqartalernissaannut