kommunal udligning
Sermersuumi suli aningaasatigut amikkisaartoqassaaq
Kommunit akornanni nalimmassaanermut 50 million koruuningajannik akileeqqinnissaq Kommuneqarfik Sermersuup malugissavaa
Kommuneqarfik Sermersuumi kommunalbestyrelsip kommunip 45 million koruuninik akiliinerusalernissaanik Naalakkersuisut aalajangernerat oqaluuseraat. Ilimagineqareersusullu ernummatigineqaqaaq.
Kommunalbestyrelsimi ilaasortat tamarmiullutik ernummatigaat, taamak annertutigisumik missingersuutitigut ilanngaaneq ingerlatsinermtu sanaartornermullu annertuumik kinguneqarnerlussanersoq.
- Kommunit akornanni naligiissaarisarnermut kommuunitta tapiissuteqartarnera ukiut pingasut kingulliit ingerlaneranni marloriaata sinnerlugu annertusivoq. Aningaasaqarnermut Naalakkersuisoqarfimmit oqaatigineqaraluartoq paasissutissat tutsuiginartut tunngavigalugit pissusissamisoortumik naligiissaarisoqarnerarlugu, aalajangiineq tamatigut naapertuilluarneruneq ajorpoq. Aalajangiisarnerit nalaatsornerinnaasarneri taama annertutigisarneri toqqissisimananngeqaat, Kommuneqarfik Sermersooq
tusagassiuutinut nalunaarummi allappoq.
Allaaserisaq tamaat atuaruk, Nuummilu illoqarfimmi pisut annertuut annikitsullu takukkit. Nuuk Ugeavis uani akeqanngitsumik aasinnaavat: