Tasiilaq

Sermersuumi sanaartornerit akiliisinnaajunnaarnerup eqqorpai

Viking Greenlandip akiliisinnaajunnaarnera ilaatigut Taasiilami ulluunerani paaqqinnittarfiliorneq eqqussavaa

Sanaartornernik suliaqartoq Viking Greenlandip uani sapaatip-akunnerani akiliisinnaajunnaartup, kommuunip Tasiilami sanaartortitaanut annertuunut marlunnut sunniuteqassaaaq.

Ukiap silaa
- Viking Greenland kommuunimut sanaartornermut tunngasunik marlunnik suliaqaraluarpoq, ilaatigut paaqqinnittarfiliorneq, aamma illunik qulinik sanaartorneq. Maannakkorpiaq misissorparput sanaartornerit sukkanerpaamik qanoq piareerneqarsinnaanersut, ukiuuneranilu sila pissutigalugu ajornartorsiulinnginnissaq qulakkeerniarsaralugu, Kommuneqarfik Sermersuumi Sanaartornermut aamma Avatangiisinut aqutsisoqarfimmi pisortaq Hans Henrik Winther Johansen erseqqissaavoq.

Taassuma ilanngullugu oqaatigaa, illut marluk ukiuuneranut isumannaallisarlugit matuneqassasut, arfineq-pingasut sanaartortoqarneranut atatillugu matoreermata.

Suliat allat
Akiliisinnaajunnaarneq aamma kommuunimut allanik ajornartorsiutinik pilersitsitsivoq.

- Viking Greenland illoqarfimmi kisiartaalluni sanaartornermik suliaqartuunermigut kommuunimut assigiinngitsunik suliaqarpoq. Suliffeqarfiup ilaatigut illoqarfiup kujataatungaani eqqakkat aqqutaat suliaraat, aammalu aqqusinermut aputaajaasuullutillu suliarinnittarput. Taakku suliassat aaqqiivigineqarnissaannik aamma nassaartariaqarpugut, Hans Henrik Winther Johansen oqarpoq.

Aamma atuaruk: Tasiilap sanaartugassanik suliaqartartutuaa akiliisinnaajunnaarpoq

Powered by Labrador CMS