Sermersooq
Sermersuumi kommunalbestyrelsimi politikkerit marluk tunuartut
Kommuneqarfik Sermersuup kommunalbestyrelsiani marlunnik nutaanik ilaasortaqalerpoq
Kommuneqarfik Sermersuumi kommunalbestyrelsimi ilaasortat, Inuit Ataqatigiinnit Naja Lund aamma Siumumit Monica Dorph tunuarput.
Monica Dorph Qaqortumut nuuppoq, Kommune Kujallermilu atorfittaarluni. Naja Lund aamma Kommuneqarfik Sermersuumiit nuulluni Narsarsuarmi Air Greenlandimi atorfittaarpoq.
Kommuneqarfik Sermersooq tusagassiuutinut nalunaaruteqarpoq.
Taarsiisut
Charlotte Ludvigsenip Naja Lund taarserpaa, Siumumiillu Ingvar Motzfeldt Monica Dorphip Kommunalbestyrelsimi taartissaatut toqqarneqarpoq.
Naja Lundip ataatsimiititani ilaasortaaffii kiisalu siulersuisuni ilaasortaaffii tamaasa Charlotte Ludvigsenip tiguai. Siumummiillu Monica Dorphip ataatsimiititani siulersuisunilu ilaasortaaffii kommunalbestyrelsimi ilaasortanit assigiinngitsunik arlalinnik inuttalersorneqarput.