Sermersooq
Sermersuumi eqqaaveqarnerulissaaq
Kommuneqarfik Sermersuup illoqarfiini nunaqarfiinilu eqqaaviit amerlineqassapput
Eqqagassat cigaretsikullu takussaavallaalersimasut Kommuneqarfik Sermersuumi politikkerinit isumaqarfigineqarpoq.
Ajornartorsiut taamaasilluni iliuuseqarfigineqalerpoq. Kommuneqarfik Sermersuumi innuttaasut ajornannginnerusumik eqqakkanik annertuunik annikitsunillu igitsisinnaanngornissartik naatsorsuutigissavaat. Tassa uninngaartarfinni, soorlu biilit uninngaartarfiini pinngortitamilu isikkivigissuni uninngaartarfinni, eqqaavilersuisoqassammat.
Eqqaaviit amerlanerusut
Bussinik utaqqisarfiit aqqusinernilu qulliit eqqaanni arlalinnik eqqaavilersuisoqassaaq kiisalu siunissami illoqarfinni illoqarfiullu eqqakkanut ikuallariaannarnut eqqaaviit naniniuminarnerulissapput.
- Pujortaqqusaannginnerup atuutilersinneqarnerata kingorna cigarittit kimmivikui illoqarfimmi takussaanerulerput. Illoqarfimmi pinngortitamilu eqqakkat qangali sumi tamaaneereerput, Kommuneqarfik Sermersuumi Isumaginninnermut, Suliffeqarnermut Inuussutissarsiornermullu Ataatsimiititap siulittaasuata, Malene Lynge oqarpoq, nangillunilu:
- Eqqaaviit cigatittit kimmivikuinullu eqqaaviit ersarinnerusut takusalernissaat qilanaaraarput. Qanittumut ornikkuminarnerusumullu eqqagassat – annertuut annikinnerusullu – eqqortumut iginnissaanut periarfissaqalissaaq.