sermersuaq
Sermersuarmi issi sualuttorujussuaq uuttorneqartoq
Sermersuarmi anoraa ilanngullugu minus 79 gradit angullugit issittorujussuaq uuttorneqarsimavoq. Issinnerujussua Danmarkimi silaannarmik kiannerusumik pilersitsivoq
Sermersuup qaavani amerikarmiut ilisimatusarfianni Summit Camp-imi tallimanngormat anoraa ilanngullugu minus 79 gradinik issittoq uuttorneqarsimavoq. 62 gradinik ississuseqartoq uuttorneqarsimavoq, kisianni anoraa ilanngulllugu uuttornerani minus 79-iusimavoq issinnera.
DMI naapertorlugu Sermersuarmi issinnerujussuata Danmarkimi sila sunnissavaa.
– Qallunaanut upernaamik qilanaartunut avannarsuani aputilimmi issinnerujussua silap nerummatsikkiartulersinnaaneranut takussutissaavoq.
Taamatut oqaluttuarpo DMI-mi silasiortoq Steen Rasmussen, Ekstra Bladetimut.
Amerikarmiut ilisimatusarfiat Sermersuup qatsinnerpaaffiani 3200 meterinik qatsissusiilmmi inissisimavoq.
– Kalaallit Nunaanni isserujussuaraangat Danmarkimi sila kissarnerulersarpoq, tassa avannaanit issinnera amerikap nunavissuani ammukartarmat. Tamanna aamma pissutigalugu Canada amerikallu kangimut sineriaa piffissami kingullermi apisartorujussuuvoq, Steen Rasmussen Ekstra Bladet-imut nassuiaavoq.