Sermersooq: Taamaammat sipaarniarpugut
Missingersuutit sipporneqariataassagaluarpata, illoqarfiit pingaarnersaata kommuniata pipallatanik aaqqiissuteqarnissani kissaatiginngilaa. Ukiup tullianut missingersuutini 40 millionit koruuninik sipaaruteqarnissamut ujartuinerup tamanna nassuiaatissartaraa.
Kommuneqarfik Sermersuumi ataatsimiititat tamarmik sipaarniarfiusinnaasunut pilersaarummik saqqummiiffigineqarput, tassani kommunip 2019-imut missingersuutaani aningaasartuutit 37,8 milionit koruunit sipaarutigineqassapput.
- Sipaarniarneq piumasaqaat pisortaqarfiup allaffissornikkut 75 millionit koruuninik sinneqartoornissaanik kissaateqarneranik pissuteqarpoq, nalinginnaasumik 25 millionit koruunit anguniarneqartaraluarput, kommunimi pisortaq Lars Møller-Sørensen Sermitsiaq.AG-mut oqarpoq.
Aningaasartuutit amerleriasaartarnerat
Naatsorsuutiginngisamik aningaasartuuteqarnissamut pisortaqarfiup piareersimarusunnera matumani nassuiaatissaavoq, soorlu 2017-imi ulloq unnuarlu paaqqinnittarfiit kommunimut millioninik marlunnik kisitsisitalinnik annertuumik aningaasartuuteqartitsinerattut.
- Taamatut mianersunngikkaanni missingersuutit siornatut ingerlatiinnarneqarsinnaagaluarput, Lars Møller-Sørensen oqarpoq, sipaarniartoqassanersoq sipaarniartoqassannginnersorluunniit politikerit aalajangigassarigaat taassuma naqissuserpaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...