Kommuneqarfik Sermersooq

Sermersooq pisortamik atorfinitsitsivoq

Namminersorlutik Oqartussani Inuussutissarsiornermut, Suliffeqarnermut, Niuernermut Nukissaqarnermullu Naalakkersuisoqarfimmi pisortap tulliatut misilittagaqartoq, Isak Nielsen Kleist, Kommuneqarfik Sermersuumi atorfinitsinneqarpoq

Kommuneqarfik Sermersuup Isak Nielsen Kleist Isumaginninnermut Suliffeqarnermullu Ingerlatsivimmi pisortatut atorfinitsippaa.

Isak Nielsen Kleist Kalaallit Nunaanni Namminersorlutik Oqartussani Inuussutissarsiornermut, Suliffeqarnermutm Niuernermut Nukissaqarnermullu Naalakkersuisoqarfimmi pisortap tulliatut atorfini qimappaa, maanna atorfittaani tassani qanimut suleqatigisimallugu.

Kommuni nittartakkamini allappoq.

- Taamak annertutigisumik aqutsinermik misilittagalimmik, suliarilerumaagassaminillu taamak ilisimasaqarluartigisumik pissarsisinnaasimanerput nuannaarutigeqaara. Siunissamut assut isumalluarnarpoq, Kommuneqarfik Sermersuumi borgmesteri, Asii Chemnitz Narup, oqarpoq.

Isumaginninnermut Suliffeqarnermullu Ingerlatsivimmi pisortatut atorfik oktober 2017-imiit inuttaqarsimanngitsoq kommunimit ilisimatitsissutigineqarpoq.

Powered by Labrador CMS