aaqqissuussineq

Sermersooq: Meeqqanut atugarissaannginnerusunut iliuuseqarneq nukittorsarneqarpoq

Meeqqanut ilaqutariinnullu atugarissaannginnerusunut iliuuseqarneq nakkutilliisoqarfimmi ukiup aallartinnerani isornartorsiorneqarpoq. Kommuneqarfik Sermersuumilu tamanna amerlasuunik allannguititsinernik kinguneqarpoq. Meeqqanut ilaqutariinnullu Ingerlatsivimmi aaqqissuussisoqarpoq.

Meeqqanut Ilaqutariinnullu Ingerlatsivik aqqissuuteqqinneqarpoq, tamannalu ilaatigut isumaqarpoq isumaginninnermi immikkut ilisimasalinnik suleqatigeeqalernissaa meeqqanillu atugarissaannginnerusunik illersuinerulernissaq.

Ullumikkut meeqqanut ilaqutariinnullu immikkoortortat pingasut assigiinngitsut tassaapput Nuummi, Tasiilami Paamiunilu. Siunissami immikkoortortaq ataasiinnaalissaaq.

– Sulisut eqqarsaatigalugit ungasinnerusoq eqqarsaatigalugu illoqarfinni allani suleqatit qanimut suleqatigineqalissapput, aammalu ulluinnarni sulianut tunngasunik aqutsineq annertunerusumik aallunneqalissalluni. Allannguut tamanna sulisut namminneerlutik ujartugaraat, ineriartortitsinermut pisortaq Helene Horsbrugh oqarpoq.

Aaqqissuusaaneq illoqarfiit akimorlugit ingerlanneqassaaq, tassuuna innuttaasut tamarmik sumi najugaqarneq apeqqutaatinnagu kiffartuunneqarnerat assigiimmik qaffasissuseqaqqullugu, tamanna tusagassiuutinut nalunaarummi atuarneqarsinnaavoq.

Powered by Labrador CMS