soraarsitsisoqareersoq

Sermersooq kattuffinnik suleqatiserinnittoq

Kommuneqarfik Sermersooq soraarsitsiortornermut atatillugu ataatsimiinnerit aaqqiagiinngissutaareersullu kattuffinnut pitsaasumik oqaloqateqarnialerpoq

Sulisartut kattuffiisa arfinillit soraarsitsiortornerup kingorna naammagittaalliuutaannik Inatsisartut Ombudsmandiata ilaliinnginnera allaavoq.

Suleqatigiinnerullu pitsaajunnaarsimasup iluarsiniarnissaa taamaalillunilu ingerlaqqinnissaq aamma allaalluni.

Kommuneqarfik Sermersuumut sipaarniarnerujussuup malitsigisaanik atorfinnik 67-inik siorna atorunnaarsitsisariaqalersumut pissusiviusut taama isikkoqarput. Sulisut 47-t, taakkunannga 30-t Nuummi, oktobarimi soraarsinneqarput. Saniatigut kommuni atorfinnik suli allanik 20-nik inuttaqanngitsunik atorunnaarsitsillluni.

Kommunip soraarsitsiortornissamut atatillugu kattuffinnik qanimut oqaloqateqarnissaq aallaqqaammulli siunniussimagaluarpaa – kattuffiillu suliami ilisimatinneqartuarnissaaq qulakkeerniarlugu ataatsimeeqatigiinnerit arlallit ingerlanneqarnissaannik suliniuteqarsimalluni.

Kisianni ataatsimiinnermi siullermili, pingasunngornermik oktobarip 29-ani ingerlanneqartumi, pissutsit ajalusoorput.

Allaaserineqartoq tamaat Nuuk Ugeavisimi atuaruk. Nuummi pisartut assigiinngitsut aviisimi aamma atuarneqarsinnaapput. Aviisi ataani akeqanngitsumik aaneqarsinnaavoq:

Powered by Labrador CMS