Sermersooq ilinniartunit allakkatigut qinersisunik tigusaqarsimanngitsoq

Kommuneqarfik Sermersuumi qinersinermut siulersuisut maluginianngitsuunngilaat inuusuttut nunatta avataani ilinniartut qinersisinnaanissamut ataasinnguarluunniit maannamut qinnuteqanngimmat.

Inatsisartunut qinersinermi ilinniartut qinersisinnaanermik periarfissartik atorluarniartaraat qinersinermut siulersuisut maluginiarpaat, kommunimullu qinersinissamut pisinnaatitaaffimmik atorluaaqqullugit kaammattuipput.

Oqartussaaqataanermi periarfissaq

- Inuusuttut peqataaffigisinnaavaat kikkut kommunissaminni aquttuussanersut, taamatullu sunneeqataalluarsinnaapput. Tamat oqartussaaneranni periarfissaq pitsaalluinnartoq iluatinnarluinnartuullunilu, qinersinermi siulersuisut oqariartorput, qinersinermut siulersuisut, tusagassiuutinut nalunaaruteqarput.

Inatsisit naapertorlugit ilinniartut, peqqissartut, folketingimi ilaasortat aammalu Kalaallit Nunaata sinniisoqarfiani sulisut nallersuunneqarsinnaasullu nunatta avataani najugaqaraluarlutik qinnuteqarsinnaapput qinersisussat allattorsimaffiannut ilanngunneqarnissaminnut.

Kingusinnerpaamik apriilip pingajuanni

Immersugassaq www.sermersooq.gl-imi aaneqarsinnaavoq, kommunilu kingullermik najugaqarfik qinnuteqarfiussaaq.

Kaammattuutaavorlu Danmarkimi illoqarfimmi innuttaasunut sullissivimmi imaluunniit nunani allani aallartitaqarfinnut allakkatigut taasiartupallannissaq. Qinnuteqarfissaq allakkatigullu qinersinissaq killeqanngillat taamaattoq kommunimi tigoreerneqassaaq 3. april, taamaattumik qinersivissaq qanillivallaartinnagu qinnuteqarnissaq aammalu allakkatigut qinersinissaq pisariaqarput, Kommuneqarfik Sermersuumi qinersinermut siulittaasut oqarput.

Qinnuteqarfissaq toqqaannartumik linkeq aajuna (kalaallisut)

Qinnuteqarfissaq toqqaannartumik linkeq aajuna (danskisut)