ikkuffimmut ikkullugu

Sermersooq biilinut innaallagiatortunut taarsiipput

Kommunip biilit 10-15-init missaaniittut benzinamik ingerlasut taarsernaqarnissaassa aalajangernata kingorna, Nuummi innuttaasut minguinnerusumik silaannaqalissapput

Biilit innaallagissamik ingerlatillit Nuummiittut

Ukiut tulliuttut ingerlaneranni Kommuneqarfik Sermersuup biilit benzinamik ingerlasut biilinik innaallagissamik ingerlatilinnik taarsersussavai, avatangiisinik mingutserisuunnginnissamut pitsaanerusumik sunniuteqaqataaniarluni.

Kommuneqarfik Sermersuup ukiut tulliuttut ingerlaneranni Nuummi biilit innaallagissamik ikummatillit 10-15 missaanniittut pisiarissavai.

- Mingutsitsisuunnginnissamik oqaaserisagut iliuuseqarfiginiaratsigit. Nuuk aamma Kommuneqarfik Sermersooq avatangiiseq pillugu illoqarfittut aamma kommunitut maligassiuisuusapput. Tamanna ersarissarusupparput biilinik innaallagissamik ingerlatilinnik pissarsinitsigut, Sanarfinermut Avatangiisinullu Ataatsimiititap siulittaasua Mille Søvndahl Pedersen (IA) oqarpoq.

Kommunimi immiisarfiit
-Biilinik taarsersuinikkut CO2-mik aniatitsineq annikillisinneqassaaq aamma maligassiuissaagut innuttaasut takusinnaalerpassuk, siunissami kommunip biilii amerlanerit innaallagissamik ingerlateqartut.

Atuaruk: Kommune innaallagiartortunik biileqalerusuttoq

Kommunip saavani biilit innaallagissamik ingerlatillit batteriivinut immiisarfeqassaaq.

Imminut akilissapput
Taarsersuinerup aallartinnerani biilit nutaat pisiarineqarnerannut atasumik aningaasartuutitaqassaaq. Kisianni ukiut arfineq-marluk ingerlanerinnaanni aningaasaliissutit imminnut akilersinnaalissapput, kommuni naliliivoq.

Avatangiisinik mingutsitsinnginnerunissamik aamma Nuummi silaannarmik mingutsitsinerup annikinnerunissaannik kissaatit Inuit Ataqatigiit aamma Demokraatit suleqatigiinnissamik isumaqatigiissutaanni politikkikkut anguniagaavoq.

Atuaruk: Elbiilit naalakkersuisunit misilerarneqassapput

Powered by Labrador CMS