Tuesday, February 13, 2018 - 12:02

Sermersooq 1,5 millioninik PANAM-imut aningaasaleeqqippoq

Assi.: Grønlands Håndbold Forbund
Kommuneqarfik Sermersuumi Aningaasaqarnermut Inuussutissarsiornermullu Ataatsimiititap assammik arsarnermut unammersuaarnissamut 1,5 million koruuninik aningaasaleeqqippoq

PANAM 2018 immikkut 1,5 million koruuninik tapiiffigineqassanersoq Kommuneqarfik Sermersuumi Aningaasaqarnermut Inuussutissarsiuteqarnermullu Ataatsimiititap aalajangerpaa. Kommuni 2 million koruuninik aningaasaliissuteqareerpoq.

Kommunimit aningaasaliineq
Kalaallit Nunaanni assammik arsaattartut Kattuffia (GHF) PANAM2018 ingerlanneqarnissaanut atatillugu kommunimut 1,5 million koruuninik immikkut tapeqqulluni qinnuteqaqqippoq.

Qinnuteqaat Aningaasaqarnermut Inuussutissarsiornermullu Ataatsimiititaliap akueraa.

Assammik Arsartartut Kattuffiata aningaasanik qinnuteqaqqinnera naatsorsuutigisamik aningaasat atorneqartussat amerlaneruneri pissutaallutik qinnuteqartoqaqqippoq. Mexicomit Panamamiillu peqataasussat angalanissaannut aningaasartuutit amerlanerulernissaat aamma qinnuteqaqqinnermut pissutaavoq.

Seneste nyheder / Nutaarsiassat kingulliit