Qeqertarsuaq
Seqineq siusinaaqqippoq
Qeqertarsuarmi seqineq ullunik pingasunik sioqqutsilluni nuivoq
Januarip 13-at Qeqertarsuup tunuani illoqarfinni arlalinni nalliuttorsiorfiuvoq. Ullormi taanna seqinniarfiuvoq novemberip 26-aniilli tarrisimasimalluni. Ukiormannali seqineq Qeqertarsuarmi ullunik pingasunik sioqqutsilluni nuivoq
Atuarfiit matujaarlugit inuppassuit januarip 13-at Qeqertarsuarmi qaqqaliaasarput seqinniarlutik. Tallimanngornermili ullup qeqqata missaani Timooq Mølgaard tupaallaatigisaminik Sermimimiit takusaqarpoq. Tassanngaanniimmi seqineq takuaa assilillugulu.
Atuaruk: Seqineq Ilulissani siusinaarpoq
Seqinniarlunili ileqqoq attatiinnarneqassaaq ataasinngorpat pisarneq malillugu seqinniartoqassammat malunnartinniarlugulusooq ukiormanna kaperlaap qaangiunnera.
2011-mi seqineq Ilulissani aamma nuiaarpoq taamanikkut ullunik marlunnik sioqqutsilluni nuigami. Taamanikkut seqernup nuiaarnera oqallisaaqaaq soorli nuiaarnersoq aalajangersimasumik nassuiaatissarsineqanngilaq.