Skip to main content

Seqineq ataqqiniarlugu qilaatersortartoq

Nuka Alice Lundimut ajornaatsuinnaasimanngilaq qilaatersortalernissaa, ullumikkulli isumaqarpoq qilaatersortarnermi inuttut nukittunerulertissimagaani.

Nuka Alicep aanagigaluata illuani raatiu ikumajuaannarsimavoq Nuka Alicellu tusarnaarujuussallugu nuannarisarsimavaa. Raatiumi oqaluttuartoqaraangat nipittorneqartarpoq, nipilersuullu appikkaangat tupannangaartumik nipitusarluni.

Ullut ilaanni eqqumiitsumik appittoqarpoq. Nipilersoriaaseq tusaasimanngisaannagaa. Nuka Alicep tallimat arfinillu missaanni ukioqarluni raatiumi qilaatersortumik tusaaqqaarnini pillugu ima oqaluttuarpoq:

- Iggiarluttumik nipilimmik erinarsortoqarpoq. Erinarsornera allanit allaaneroqaaq, erinagissuserlu sungiusimasara atorneqarani. Sunamitaavaana?

Tusaasaa tassaasimavoq Milikka Kûitse, kingorna qilaatersorluni tusaamaneqalersup Anna Kûitsep arnaa.

Nuka Alice Sisimiuni ilaqutariinni kristumiuusuni peroriartorpoq qilaatersornerlu atugaanngilaq, taamaattumik qilaatersornermik sammisaqalernissaanut ukiorpassuit ingerlapput.

1997-imi kulturikkut illorsuaq Katuaq ammarmat Nuka Alice isiginnaartitsissummi Arnajaqqami inuttatut pingaarnertut sassarpoq. Isiginnaartitsissut tassaavoq Snehvide kalaalerpaluttunngorlugu suliaq.

Takutitsisut ilagaat Anna Kûitse meeqqanik peqateqarluni qilaatersortoq, takutitsinerallu Nuka Alicep tiguartiffigaa.

- Takutitsinerisa tiguangaarmannga eqqarsalerpunga qilaatersorneq peqataaffigerusullugu.

Qilaatersortartunngorporlu – ukiut qulit qaangiummata.

Nuka Alice Lundip atuagassiami Arnanumi ilisaritinneqarnera tamaat atuagassiaq pisariaqarlugu ugguuna atuarsinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER